A poem written in memory of my country, of which i am so proud of...!!! Happy Independence day...

hum sab main hero hai,
bas pehchan ne ki zarurat hai..
hum sab ek hain,
bas samajhne ki zarurat hai..
hum sab main dum hai,
bas aazmane ki zarurat hai..
Aur ye desh mahaan hai,
bas banane ki zarurat hai...

We all need to contribute:

boond boond se talaab bharta hai,
eent eent se imarat banti hai,
haath haath se desh banta hai,
aur insaan insaan se bhagwaan banta hai..

Aaj hindu muslim main kyon ladai hai,
hum sab to bhai bhai hain,
kyon hum pade hain dusron ke khoon ke piche,
rang to laal sab main behta hai...

kyun mujhe lagte ho tum paraye,
jab rehte hain hum ek hi ghar main bhai,
kya le jaoge mujhe dhoka de kar,
aaye the khaali haath, jaaoge bhi khaali haath le kar...

Aaj lagta hai ki hum azaad hain,
phir bhi kyun aadha desh bimaar hai,
agar sab ko rahegi apni padi,
to kon karega desh ki sewa badi...

Aaj kyun main dukhi hota hun,
dusron ki bajaaye khud par rota hun,
kyun kuch karne main hun mai asamarth,
na haath bandhe hain, na bhavnayen hain pasth...

Main bhi bol kar chala jaunga,
kuch to desh ka bhala kar jaunga,
par kya tum kabhi khud se puchoge,
ki agar tum nahi to kaun sochega...

Ye waqt kisi ke liye theherta nahi,
ye hawa kisi ke liye thamti nahi,
aane waale chale jayenge,
bas kuch itihaas ke panno main reh jayenge...

Happy Independence day to my country...

Hope it achieves the real independence within my lifetime..

By:
Chetan Taneja

Proud to be an indian.